Rundiangan Kato ka Makan

www.google.comMalin        :  Manyo Sutan
Sutan        :  Lai
Malin        :  Barundiang Singkek jo Sutan.
Sutan        :  laluanlah.
Malin        :  Alah parndiangan dianta ka bakeh sutan (Ma-agak-i hari sahari nangko, hari alah banamo elok katiko alah banamo baiak) tankato hari lah banamo elok katiko alah banamo baiak, tarabik disilang nan bapangka karajo nan bapok, maantakan siriah sacabiak pinang sagatok, siriah katangah baalamaik kato katangah bakarabahan,a-lah lamai siriah karabahan kato, pandangan jauah dilayangkan pandangan ampia di tukiakkan tantangan juadah nan katangah, aia tarisi nak di minum, nasi taedang nak dimakan diparenai dek kawan nan basamo, sakian rundiangan dianta bakeh Sutan.
Sutan        :  Lah sampai Malin?
Malin        :  Sakiro alah
Sutan        : (Ulangi)............................sabaitu kato?
Malin        :  Sabananyo
Sutan        : Tantangan Juadah nan katangan mairik padang jo barani mairik usaho jo karajo, lah iko jomah Malin.
Malin        :  (Ulangi) .......................sabaitu kato?
Sutan        :  Sabananyo
Malin        :  Pambarian diambo, juadah dibuek untuak alek tamu, sipangka biaso takudian, iko jo mah Sutan.
Sutan        :  (Ulangi) ........................sabaitu kato?
Malin        :  Sabananyo
Sutan        :  Sabarih lo diambo, dibalah batuang kapalupuah diambiak katunggak dindiang, sadang babuak kami lai namuah kunun mamakan nan taedang, namun ba toh kini, barek kayu kan yo kapangka, rimbun kayu ka ujuang nyo, Tutuah lah dipangka nak samo raok kaujuangnyo, lah pambarian ka Malin.
Malin        :  (Ulangi) ...........................sabaitu kato?
Sutan        : sabananyo
Malin        :  Pambarian juo diambo, tadulu takudian lah samonyo tu Sutan,asa pintak ka balaku.
Sutan        : Iyo juo manuruik nan biaso, tangan jan salah awai mato jan salah caliak, ditabang batang dadok kapaga batang palo, kok iyo nan harun kakami singkok tunjuakkan ikua kapalonyo Malin.
Malin        :  Angku kapalo mandiangin basisik karih sabilah, kapalonyo bismillahirrah manirrahim, sudah nyo beko alhamdulillah.


Tambahan alua kamakan:

Malin    : Aka pilinan kawek kawek pilinan aka, sipangka dalam sialek sialek dalam nan pangka.  Dulujo lah si alek sutan..!
Sutan    : lah biaso juo rambahlah  nan rimbun di sipangka nak samo lalu alek katapian?
Malin    : Indak hinggo dikami silang nan bapangka karajo nan bapokok, nan rimbun lah kami siangi nan jauah lah baampia kan nan matah lah ba masaakan, yo tibi di nan masakko yo sialekk jamu jo lah dulu sutan.